CƏMİYYƏT


Gəncədə cərrahlar üçün səyyar distant kurs başa çatıb

Bakı, 28 oktyabr, AZƏRTAC

Əziz Əliyev adına Azərbaycan Dövlət Həkimləri Təkmilləşdirmə İnstitutunun uşaq cərrahiyyəsi və plastik cərrahiyyə kursları ilə Davamlı Tibbi Təhsil proqramına uyğun olaraq Gəncədəki 3 saylı şəhər xəstəxanasında təşkil edilən ümumi cərrahiyyə üzrə səyyar distant kurs başa çatıb.

İnstitutun mətbuat xidmətindən AZƏRTAC-a verilən məlumata görə, kursda Gəncə şəhərinin tibb müəssisələrində çalışanlarla yanaşı ətraf rayonlardan da gələn həkim-cərrahlar iştirak ediblər.

Kursun əsas məqsədi döş qəfəsi cərrahiyyəsi, qida borusu və diafraqmanın cərrahi xəstəlikləri haqqında həkimlərin bilik və bacarıqlarını artırmaqdan ibarət olub. Dərsləri institutun uşaq cərrahiyyəsi və plastik cərrahiyyə kursları ilə cərrahiyyə kafedrasının müdiri, professor Nazim Qasımovun rəhbərliyi ilə kafedranın əməkdaşları aparıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.