Gəncənin uşaq tərbiyə müəssisələrində istiliklə bağlı problem yoxdur

Gəncə, 18 fevral (AZƏRTAC). Gəncədə fəaliyyət göstərən uşaq tərbiyə müəssisələrinin qızdırılmasında heç bir problem yoxdur. Hazırda şəhərdə 42 uşaq bağçası fəaliyyət göstərir ki, onlarda da 227 qrupda 4 min 295 uşaq tərbiyə alır. Qış mövsümündə 6 uşaq bağçasında mərkəzləşdirilmiş istilik sistemindən, 34 körpələr evi-uşaq bağçasında qaz sobasından, iki bağçada isə ərazidə qaz xətti olmadığından odun sobasından istifadə olunur.

Gəncə Şəhər İcra Hakimiyyətindən AZƏRTAC-a verilən məlumata görə, qış mövsümü başa çatan kimi 5 uşaq bağçasında əsaslı təmir işlərinə başlanacaqdır. Təmirin məqsədi həmin bağçalarda da mərkəzləşdirilmiş istilik sisteminin yaradılmasıdır.