REGİONLAR


Gənclər Gəncə Uşaq Xəstəxanasının divarlarını “Gülümsədən rəsmlər”lə bəzəyiblər

Gəncə, 6 fevral, Rauf Hacıyev, AZƏRTAC

Gənclər Fondunun elan etdiyi 12-ci qrant müsabiqəsi çərçivəsində Gəncə şəhərində yerləşən 1 saylı uşaq xəstəxanasında “Gülümsədən rəsmlər” adlı ikigünlük layihə icra olunub.

Layihənin rəhbəri Lalə Novruzova AZƏRTAC-ın bölgə müxbirinə bildirib ki, məqsəd uşaq xəstəxanasını uşaqlar üçün rəngarəng, əyləncəli və maraqlı mühitə çevirmək, gənc rəssamların bacarıq və qabiliyyətlərini nümayiş etdirməyə şərait yaratmaq, gəncləri sosialyönümlü fəaliyyətə cəlb etməkdir. Layihə çərçivəsində xəstəxananın rəhbəri, psixoloq və həkimləri tərəfindən əvvəlcədən təqdim olunmuş eskizlər seçilib. Seçilən ən yaxşı rəsmlər 20 gənc rəssam tərəfindən xəstəxananın divarlarına köçürülüb.

Uğurla başa çatan layihənin sonunda iştirakçılara sertifikatlar təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.