ELM VƏ TƏHSİL


Gənclər Günü münasibətilə tələbələr mükafatlandırılıblar

Bakı, 31 yanvar, AZƏRTAC

Yanvarın 31-də Azərbaycan Dillər Universitetində (ADU) 2 fevral - Gənclər Gününə həsr olunan tədbir keçirilib.

ADU-dan AZƏRTAC-a bildirilib ki, əvvəlcə ictimai fəaliyyətlərinə, o cümlədən təhsildə göstərdikləri nailiyyətlərə görə fərqlənən tələbələr 17 nominasiya üzrə universitetin rektoru, akademik Kamal Abdullanın imzası ilə təsdiqlənmiş plaketlərlə mükafatlandırılıblar.

Sonra universitetin tələbələri Nicat Aşurov, Günay Səmədli və Elşən Qəhrəmanov Gənclər Gününün yaranması tarixindən və dövlətimizin gənclər siyasətindən danışıblar.

ADU-nun rektorunun elm və təhsil məsələləri üzrə müşaviri, dosent Seyfəl Həsənov, filologiya və jurnalistika fakültəsinin dekanı, dosent Vüsalə Ağabəyli əlamətdar gün münasibətilə gəncləri təbrik edib, onlara uğurlar arzulayıblar.

Tərbiyə işləri üzrə prorektor vəzifəsini icra edən Sərraf Hüseynov isə universitetin tələbələrinin təhsil və ictimai həyatda yüksək göstəricilərə malik olduqlarını deyib. Bildirib ki, ADU-nun tələbələri dövlətimizin və dövlətçiliyimizin maraqlarına xidmət etmək baxımından sosial şəbəkələrdə fəallıq göstərirlər və hər zaman ilk pillələrdə qərarlaşırlar.

Sonda tələbələr müxtəlif musiqi nömrələri ifa edib, şeirlər söyləyiblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.