CƏMİYYƏT


Gənclər üçün gender bərabərliyinə dair təlimlər təşkil olunacaq

Bakı, 19 iyun, AZƏRTAC

İyulun 6-7-də Azərbaycan Respublikası Gənclər Təşkilatları Milli Şurasının təşkilatçılığı ilə Gənclərin İnkişaf və Karyera Mərkəzində “Gənclər təşkilatları arasında gender bərabərliyinin təbliği istiqamətində təlimlərin təşkili” layihəsi çərçivəsində Bakıda və regionlarda fəaliyyət göstərən gənclər təşkilatlarının üzvlərinin toplantısı keçiriləcək.

Şuradan AZƏRTAC-a bildiriblər ki, təlimin məqsədi gənclər təşkilatlarının gender bərabərliyinə nail olmaq, qızlara qarşı ayrı-seçkiliyin bütün formalarına son qoymaq, dövlət və özəl sahələrdə qadınlara və qızlara qarşı zorakılığı, o cümlədən insan alveri, cinsi və digər növlərdə istismarı aradan qaldırmaq, erkən və məcburi nikah və s. məsələlərlə bağlı məlumatlılığı artırmaqdır.

Təlimdə iştirak etmək istəyən gənclər müvafiq anket formasını dolduraraq iyunun 28-də saat 18:00-a qədər qeydiyyatdan keçə bilərlər. Seçilən iştirakçılarla bağlı iyulun 1-dək məlumat veriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.