CƏMİYYƏT


Gənclər üçün yay düşərgəsi təşkil olunub

Bakı, 29 iyun, AZƏRTAC

Gənclər və İdman Nazirliyinin təşkilatçılığı ilə Respublika Uşaq İstirahət və Sağlamlıq Mərkəzində 22 rayondan olan 100-dən artıq şəhid və qazi övladı, aztəminatlı və çoxuşaqlı ailələrin övladları, müsabiqə (intellektual, yaradıcı, idman, bilik) qalibləri üçün yay düşərgəsi keçirilib.

Azərbaycan Gənclər və İdman Nazirliyinin mətbuat xidmətindən AZƏRTAC-a bildiriblər ki, yay düşərgəsi zamanı gənclərə asudə vaxtın səmərəli təşkili və dəyərləndirilməsi, sağlam həyat tərzi, ətraf mühitin mühafizəsi, insan hüquqları, liderlik keyfiyyətlərinin inkişafı mövzularında təlimlər, “İngilis dilini əylənərək öyrənirik”, rəsm üzrə ustad dərsləri, yoqa, hip-hop və “crop dance” məşğələləri keçirilib.

Düşərgə müddətində iştirakçılar üçün maraqlı və əyləncəli oyunlar, intellektual oyunlar, komanda quruculuğu, şəbəkələşmə, müxtəlif yeni tanışlıqlar, idman oyunları, konsert proqramı və s. fəaliyyətlər təşkil olunub.

Düşərgənin sonuncu günü gənclərin biri-birindən rəngarəng və maraqlı çıxışlarından ibarət karnaval gecəsi keçirilib. İştirakçılara düşərgə boyu təlimlərdə və məşğələlərdə fəal iştiraklarına görə diplomlar təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.