İDMAN


Gənclər və İdman Nazirliyi Avropa İdman Həftəsi çərçivəsində idman tədbiri təşkil edib

Bakı, 28 sentyabr, AZƏRTAC

Sentyabrın 28-də Gənclər və İdman Nazirliyi Avropa İdman Həftəsi çərçivəsində idman tədbiri təşkil edib.

AZƏRTAC xəbər verir ki, Heydər Əliyev Mərkəzinin qarşısında keçirilən və iki saat davam edən tədbir zamanı Azərbaycan Kanoe və Avarçəkmə Federasiyası xüsusi ayrılmış ərazidə təmsil olunub.

Tədbir zamanı ziyarətçilərə avarçəkmənin akademik, kayak və kanoe növlərinə aid qayıqları nümayiş etdirilib, həmçinin bu idman növü haqqında məlumat verilib. Eyni zamanda milli komandamızın üzvləri avarçəkməyə aid trenajor alətlərində əyani olaraq məşq elementləri nümayiş etdiriblər.

Qeyd edək ki, Azərbaycan Kanoe və Avarçəkmə Federasiyası ilə yanaşı daha 18 idman federasiyası Avropa İdman Həftəsinə həsr olunan tədbirdə iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.