ELM VƏ TƏHSİL


Gənclərin çağırışaqədərki hazırlığı rəhbərləri üçün seminarlar keçirilir

Bakı, 18 oktyabr, AZƏRTAC

Paytaxtın ümumi təhsil məktəblərinin Gənclərin çağırışaqədərki hazırlığı (GÇH) rəhbərləri üçün seminarlar keçirilir.

Bakı Şəhəri üzrə Təhsil İdarəsindən AZƏRTAC-a bildirilib ki, Təlimə Dəstək Mərkəzi (TDM) tərəfindən təşkil olunan seminarların əsas məqsədi məktəblərin GÇH rəhbərlərinin bilik və bacarıqlarını inkişaf etdirmək, onları vəzifə öhdəlikləri ilə bağlı maarifləndirmək, yeniyetmə və gənclərin vətənpərvərlik tərbiyəsi işinin keyfiyyətini yüksəltmək və onlara fənnin məzmunu, strategiyası barədə daha geniş məlumat verməkdən ibarətdir.

Seminarlar zamanı TDM-in Gənclərin Çağırışaqədərki Hazırlığı üzrə mentorları tərəfindən tədris planını əhatə edən mövzularda təlim keçirilir, dərs nümunələri nümayiş olunur, qrupda işləmək və dərsliklərlə işin təşkili məsələləri haqqında fikir mübadiləsi aparılır. Hərbi rəhbərlər keçirilən mövzuya dair diaqnostik test tapşırıqlarını da yerinə yetirirlər.

Tədbirlərdə GÇH rəhbərlərinin fəaliyyəti zamanı qarşıya çıxan məsələlər müzakirə olunur. GÇH rəhbərlərinə məktəblilərin hərbi xidmətə hazırlıq səviyyəsinin yüksəldilməsi, onlarda hərbi vətənpərvərlik hisslərinin gücləndirilməsi məqsədilə təlimlərin təşkili, maarifləndirici-profilaktik tədbirlərin həyata keçirilməsi ilə əlaqədar müvafiq tövsiyələr verilir.

Qeyd edək ki, seminarlar paytaxtın bütün rayonları üzrə ümumi təhsil məktəblərində çalışan GÇH rəhbərlərini əhatə edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.