İQTİSADİYYAT


“General Əliağa Şıxlinski” kran gəmisinin gövdə hissəsi əsaslı təmir olunub

Bakı, 3 oktyabr, AZƏRTAC

“Azərbaycan Xəzər Dəniz Gəmiçiliyi” QSC-nin (ASCO) Xəzər Dəniz Neft Donanmasının balansında olan və Xəzər dənizinin ən nəhəng gəmilərindən biri sayılan “General Əliağa Şıxlinski” kran gəmisinin gövdə hissəsi əsaslı təmir edilib.

ASCO-dan AZƏRTAC-a bildirilib ki, “Bibiheybət” Gəmi Təmiri Zavodunun üzən tərsanəsində aparılan işlər yekunlaşdıqdan sonra gəmi suya buraxılıb. Proses zamanı 600 ton yükqaldırma qabiliyyətinə malik gəminin protektor qoruyucuları, dib-yan armaturları təmir edilib, sualtı və suüstü hissələrdə yararsız metal lövhələr, qoruyucu metal kəmərlər dəyişdirilib, hər iki bortda qoruyucu-təkərlər (fender) yenilənib, təmizləmə-rənglənmə işləri görülüb. Yük göyərtəsində yanalma əməliyyatında istifadə olunan roulslar işlək vəziyyətə gətirilib, yüklərin bərkidilməsi üçün istifadə olunan zədələnmiş metal konstruksiyalar yenisi ilə əvəzlənib.

Bütün bunlarla yanaşı, baş mühərriklərin yağ və su soyuducuları təmizlənib, gəminin boru sistemləri, sanitar qovşaqları, yaşayış otaqları, su keçirməyən qapılar, illüminatorlar, ventilyasiya qapaqları təmir olunub, yeni mebellər quraşdırılıb.

Hazırda gəmini yenidən istismara qaytarmaq üçün sınaq işləri aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.