SİYASƏT


General Həzi Aslanovun anadan olmasının 111-ci ildönümü münasibətilə ekskursiya keçirilib

Bakı, 15 fevral, AZƏRTAC

İki dəfə Sovet İttifaqı Qəhrəmanı, tank qoşunları qvardiya general-mayoru Həzi Aslanovun anadan olmasının 111-ci ildönümü münasibətilə Gəncə Qarnizonu İdeoloji və Mədəniyyət Mərkəzi tərəfindən Azərbaycan Ordusunun bir qrup tankçısının Lənkəran şəhərinə ekskursiyası təşkil olunub.

Müdafiə Nazirliyinin mətbuat xidmətindən AZƏRTAC-a bildiriblər ki, ekskursiya Şəhidlər xiyabanının ziyarət olunması ilə başlayıb. Vətən uğrunda canlarından keçən Şəhidlərin məzarı üstünə qərənfillər düzülüb, ruhlarına dualar oxunub.

Sonra Həzi Aslanovun Lənkəran şəhərindəki ev-muzeyi ziyarət olunub. Muzeyin bələdçisi ekskursiya iştirakçılarına Sovet İttifaqı Qəhrəmanı Həzi Aslanovun həyat və döyüş yolu haqqında ətraflı məlumat verib.

Ekskursiya başa çatdıqdan sonra tankçılar Vətən müharibəsi zamanı torpaqlarımızın azad olunması uğrunda qanları ilə tarix yazaraq şəhidlik zirvəsinə yüksəlmiş Biləsuvar rayonunun Çaylı kəndindən olan döyüşçü yoldaşlarının məzarlarını da ziyarət ediblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.