ELM VƏ TƏHSİL


Genetik Ehtiyatlar İnstitutunun əməkdaşı beynəlxalq konfransda çıxış edib

Bakı, 16 may, AZƏRTAC 

Azərbaycan Milli Elmlər Akademiyasının Genetik Ehtiyatlar İnstitutunun (GEİ) biokimya şöbəsinin aparıcı elmi işçisi, biologiya üzrə fəlsəfə doktoru Səltənət Ağayeva Gürcüstanda ezamiyyətdə olub. O, Gürcüstan Tibbi Genetika və Epigenetika Cəmiyyəti, Tbilisi Dövlət Tibb Universiteti və Şota Rustaveli Milli Elmi-Tədqiqat Fondu tərəfindən təşkil olunmuş “İnsan genomu və sağlamlığı” mövzusunda II beynəlxalq konfransda iştirak edib.

İnstitutdan AZƏRTAC-a bildirilib ki, konfransın keçirilməsində əsas məqsəd həkimlər, tədqiqatçılar, alimlər tərəfindən və həmçinin biznesin tibbi genetika sahəsində əldə edilən son elmi nailiyyətləri iştirakçılara təqdim etmək, genetik xəstəliklərin tədqiqatı ilə bağlı beynəlxalq əlaqələr yaratmaq olub.

Səltənət Ağayeva “İki genetik pozğunluğun birləşməsi: G6PD ferment çatışmazlığı və Düşen əzələ distrofiyası” mövzusunda məruzə ilə çıxış edib və sertifikata layiq görülüb. O, həmçinin ezamiyyət müddətində bir sıra alim və mütəxəssislərlə tanış olub və gələcəkdə birgə tədqiqatlara dair müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.