İDMAN


Gimnastımız Zöhrə Ağamirova: Topla hərəkətlərdə çıxış etməkdən böyük zövq alıram

Bakı, 17 sentyabr, AZƏRTAC

Dünən halqa ilə çıxışımda bəzi çatışmazlıqlar oldu. Ancaq bu gün topla çıxışımı uğurla başa vurduğumu düşünürəm.

Bu sözləri AZƏRTAC-a müsahibəsində Bakıda keçirilən bədii gimnastika üzrə dünya çempionatında ölkəmizi təmsil edən Zöhrə Ağamirova deyib.

Gimnast bildirib: “Topla çıxışımı müşayiət edən musiqili kompozisiyanı çox sevirəm. Ümumiyyətlə, topla proqramı icra etməkdən böyük zövq alıram. Çıxışım zamanı bir az həyəcanlı idim. Ancaq azarkeşlərin dəstəyi möhtəşəm idi. Onların dəstəyi ilə proqramımı gözəl nümayiş etdirdim”.

Çempionatda fərdi proqramda çoxnövçülük üzrə ilk 16-lıqda yer alan gimnastlar (bir ölkədən maksimum 2 gimnast olmaqla) “Tokio 2020”yə lisenziya əldə edəcəklər. Qrup hərəkətləri komandalarına gəldikdə isə ötən ilin dünya çempionatının nəticələrinə əsasən, Bolqarıstan, Rusiya və İtaliya artıq lisenziyanı təmin ediblər. Çempionatda çoxnövçülük xalları üzrə daha 5 ən yaxşı komanda Olimpiadaya vəsiqə qazanacaq.

Altmış bir ölkədən 300-dən artıq gimnast çempionatda 9 dəst medal uğrunda mübarizə aparır.

Çempionatın medalları Beynəlxalq Gimnastika Federasiyasının loqosu formasında hazırlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.