SİYASƏT


Giorgi Qoqua: Axalkalakidə erməni terrorçuya qoyulmuş abidə sökülməli və günahkarlar cəzalandırılmalıdır

Tbilisi, 9 fevral, AZƏRTAC

“Axalkalaki rayonunun Buğaşen kəndində M.Avakyan adlı erməni terrorçuya, əli günahsız insanların qanına batmış cinayətkara abidə qoyulması Gürcüstana arxadan zərbədir. Biz, gənclər buna biganə qala bilmərik”.

Bu sözləri AZƏRTAC-a müsahibəsində Gürcüstanda gənclər təşkilatının üzvü, politoloq Giorgi Qoqua söyləyib.

Gənc siyasətçi deyib: “Mənim fikrimcə, erməni separatçıların bu addımı sırf təxribat xarakterlidir. Onların bu addımı Azərbaycan-Gürcüstan münasibətlərini pozmağa yönəlmiş məqsədyönlü siyasi gedişdir”.

Onun sözlərinə görə, abidə sökülməli və günahkarlar cəzalandırılmalıdır. Gələcəkdə bu cür təxribatların təkrarlanmaması üçün ciddi tədbirlər görülməlidir.

“Gürcüstan tolerant ölkədir. Bütün millətlər burada sərbəst, azad şəkildə yaşayırlar. Biz icazə verməməliyik ki, kimsə ölkəmizin daxilində qarşıdurma yaratmaqla bizim imicimizə zərbə vursun”, – deyə Qoqua vurğulayıb.

Məlumat üçün qeyd edək ki, Giorgi Qoqua bir qrup gürcü gənclə Gürcüstanda yaşayan azərbaycanlıların fevralın 8-də Tbilisidə parlamentin binası qarşısında keçirdiyi aksiyaya dəstək veriblər.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.