İQTİSADİYYAT


Global Risk Insights: Bakı-Tbilisi-Qars dəmir yolunun açılışı tranzit dövriyyəsinin artmasına kömək edəcək

Bakı, 3 fevral, Elvin Camalov, AZƏRTAC

Bakı-Tbilisi-Qars dəmir yolunun açılışı tranzit dövriyyəsinin həcmini artırmağa kömək edəcək.

AZƏRTAC xəbər verir ki, bu barədə “Global Risk Insights” analitik mərkəzinin hesabatında bildirilir.

Qeyd edilib ki, Çin ilə Avropanı birləşdirən üç əsas dəmiryolu marşrut yolundan biri Qazaxıstanın və ya Türkmənistanın dəmir yolu sistemləri vasitəsilə Transxəzər Beynəlxalq Nəqliyyat Dəhlizidir. Qazaxıstan və Türkmənistandan yüklər Xəzər dənizi vasitəsilə Azərbaycana daşınır. Buradan isə mallar Cənubi Qafqazdan və Türkiyə ərazisindən keçən dəmir yolu şəbəkəsinə yüklənir.

Rusiyadakı yükdaşıma həcmləri əhəmiyyətli dərəcədə artsa da, yeni nəqliyyat marşrutlarının yaradılması Çin üçün maraqlıdır. Cənubi Qafqazdakı BTQ dəmir yolu üzərində işlərin başa çatması Qazaxıstan və Türkmənistan vasitəsilə yükdaşımanı daha da cəlbedici edib. Həmçinin İranın Cənubi Qafqaz və Mərkəzi Asiya ilə genişlənən dəmir yolu əlaqələri də ticarət imkanlarını daha da artırır. Qazaxıstandan dəmir yolu nəqliyyatı ilə Avropaya daşınan yüklərin həcmi 2017-ci ilin noyabrın əvvəllərində 102 min konteynerə çatıb. Növbəti hədəf isə 2020-ci ilə qədər konteynerlərin sayını 2 milyona çatdırmaqdır.

Bakı-Tbilisi-Qars dəmir yolunun açılışı tranzit dövriyyəsinin həcmini artırmağa kömək edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.