İQTİSADİYYAT


Gömrük Akademiyasında növbəti xidmətə hazırlıq təlimlərinə başlanılıb

Bakı, 7 yanvar, AZƏRTAC

Dövlət Gömrük Komitəsinin Akademiyasında (DGKA) gömrük orqanlarında xidmətə yeni qəbul olunmuş əməkdaşlar üçün növbəti xidmətə hazırlıq təlimləri keçirilir.

Dövlət Gömrük Komitəsinin Akademiyasının ictimaiyyətlə əlaqələr şöbəsindən AZƏRTAC-a bildirilib ki, təlimlər yanvarın 31-dək davam edəcək. Təlimlərdə gömrük orqanlarına xidmətə yeni qəbul olunmuş 39 əməkdaş iştirak edir.

Təlimlər Azərbaycan Respublikası Dövlət Gömrük Komitəsi sisteminə daxil olan gömrük orqanlarının əməkdaşlarının peşə və ixtisas səviyyəsini artırmaq üçün gömrük orqanlarına xidmətə yeni qəbul edilmiş əməkdaşlara peşə biliklərinin və xidməti intizam qaydalarının tələblərinin öyrədilməsi məqsədilə təşkil olunur.

Tədris prosesinin əsas məqsədi dinləyicilərə xidməti fəaliyyətləri üçün zəruri olan bilik və peşə vərdişlərinin aşılanmasından ibarətdir. Təlimlərdə gömrük işi, o cümlədən gömrük orqanlarının hüquq-mühafizə fəaliyyəti, hərbi və sıra hazırlığı istiqamətlərində müvafiq mövzular üzrə nəzəri və təcrübi biliklər verilir. Təlimlər zamanı təlim proqramı üzrə mövzulara müvafiq olaraq gömrük orqanlarının hüquqpozmalara qarşı mübarizə təcrübəsi ilə bağlı xidməti sənədlərdən və faktlara dair videomateriallardan da istifadə olunur.

Tədris prosesinə Dövlət Gömrük Komitəsinin təcrübəli və peşəkar əməkdaşları, o cümlədən akademiyanın yüksək bilik və peşə bacarığına malik olan professor-müəllim heyəti cəlb edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.