İQTİSADİYYAT


Gömrük əməkdaşlarına beynəlxalq sistemlə bağlı seminar keçirilib

Bakı, 13 may, AZƏRTAC

Dövlət Gömrük Komitəsinin (DGK) əməkdaşları üçün Azərbaycan Respublikasının xarici iqtisadi fəaliyyətin mal nomenklaturasının Beynəlxalq Harmonikləşdirilmiş Sistemin 2022-ci il variantına uyğunlaşdırılması və preferensial mənşə ölkələrinə nəzarətin gücləndirilməsi mövzularında seminar keçirilib.

Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, seminarda DGK-nın aidiyyəti struktur bölmələrinin 30-a qədər əməkdaşı iştirak edib.

Seminarın açılışında Gömrük Tariflərinin Tənzimlənməsi və Ödənişlər Baş İdarəsinin rəisi, gömrük xidməti general-mayoru Mirqasım Vahabov deyib ki, Malların Təsviri və Kodlaşdırılması üzrə Harmonikləşdirilmiş Sistem haqqında Beynəlxalq Konvensiyaya əsasən Harmonikləşdirilmiş Sistemdə mövcud uyğunsuzluqların, çatışmazlıqların aradan qaldırılması, həmçinin yeni mal mövqelərin sinifləşdirilməsi məqsədilə Ümumdünya Gömrük Təşkilatının Harmonikləşdirilmiş Sistem Alt Komitəsinin iclaslarında üzv ölkələrin, beynəlxalq təşkilatların və müstəqil ekspertlərin iştirakı ilə dəyişikliklər və düzəlişlər edilməklə yeni versiya hazırlanıb.

2022-ci ildən Ümumdünya Gömrük Təşkilatının üzv dövlətlərində tətbiq edilməsi nəzərdə tutulan Harmonikləşdirilmiş Sistemin 2022-ci il variantı Gömrük Əməkdaşlıq Şurasının 2019-cu il 28 sentyabr tarixli tövsiyəsinə uyğun olaraq təsdiq edilib. Harmonikləşdirilmiş Sistem 2022-ci il dünya ticarətinin strukturundakı, həmçinin sosial və ekologiya məsələləri üzrə qlobal dəyişikliklər nəzərə alınmaqla növbəti 5 illik dövrü əhatə edərək 351 yarımmövqe üzrə düzəlişi özündə əks etdirir.

Vurğulanıb ki, xarici iqtisadi fəaliyyətin mal nomenklaturası üzrə kodların Beynəlxalq Harmonik Sistemin 2022-ci il variantına uyğunlaşdırılması məqsədilə Dövlət Gömrük Komitəsinin müvafiq dövlət qurumları ilə razılaşdırılmış təklifinə əsasən hökumət tərəfindən “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilməsi barədə Qərar təsdiq olunub.

Qeyd edək ki, iki gün davam edən seminarda Azərbaycan Respublikasının xarici iqtisadi fəaliyyətin mal nomenklaturasının Beynəlxalq Harmonikləşdirilmiş Sistemin 2022-ci il variantına uyğunlaşdırılması və preferensial mənşə ölkələrinə nəzarətin gücləndirilməsi barədə məlumat verilib, iştirakçıları maraqlandıran suallar ətraflı cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.