ELM VƏ TƏHSİL


“Google” Kanadada “ağıllı şəhər” salacaq

Bakı, 1 noyabr, AZƏRTAC 

“Google” arama motorunun sahibi olan “Alphabet” şirkətinin nəzdində fəaliyyət göstərən “Sidewalk Labs” Kanadanın Toronto şəhərinin boş ərazisində “ağıllı şəhər” salacaq. AZƏRTAC BBC telekanalının saytına istinadla xəbər verir ki, şəhər meriyası şirkətin müraciətinə müsbət cavab verib, lakin bu təşəbbüs üçün daha az ərazi ayırıb. Torontonun inkişafına cavabdeh olan “Waterfront Toronto” qrupu müraciəti yekdilliklə təsdiq edib.

Qeyd olunur ki, “Sidewalk Labs”ın inşa edəcəyi məhəlləyə cəmi 0,05 kvadratkilometr torpaq sahəsi ayırıblar. Şəhər rəhbərliyinin qərarı ictimai müzakirəyə təqdim ediləcək və yekun rəy 2020-ci ilin martında veriləcək.

Şirkətin təmsilçiləri bildiriblər ki, “ağıllı şəhər” insanların işə getməsi üçün hazırlıq müddətini azaldacaq, evləri daha da ucuzlaşdıracaq, yeni iş yerləri açacaq və sakinlər üçün yüksəksəviyyəli rahat şərait yaradacaq. “Sidewalk Labs” bu layihəyə qoyacağı sərmayə müqabilində əmlak vergisindən və gəlirlərdən pay tələb edir. Şirkətin mütəxəssisləri hesab edirlər ki, ən müasir texnologiyaların tətbiq ediləcəyi “ağıllı şəhər” sayəsində Torontonun dünyanın ən inkişaf etmiş meqapolisləri ilə rəqabətqabiliyyətlilik gücü artacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.