REGİONLAR


Goranboyda məskunlaşmış xocalılılar rayon mərkəzindən Xocalı soyqırımı abidəsinədək yürüş ediblər

Goranboy, 26 fevral, Rauf Hacıyev, AZƏRTAC

Goranboy rayonunda xocalılıların müvəqqəti məskunlaşdığı Yeni yaşayış massivində Xocalı soyqırımı qurbanlarının xatirəsinə həsr olunmuş anım mərasimi keçirilib.

Mərasimdə Goranboy Rayon İcra Hakimiyyətinin başçısı, rayonun digər rəhbər şəxsləri, faciənin canlı şahidləri, Milli qəhrəmanlar, şəhid ailələri və rayon ictimaiyyəti nümayəndələri iştirak ediblər.

AZƏRTAC-ın bölgə müxbiri xəbər verir ki, tədbirə rayon mərkəzindən Xocalı soyqırımı abidəsinədək yürüş aksiyası ilə başlanılıb.

Yürüş iştirakçıları abidə önünə gül dəstləri qoyublar.

Tədbirdə çıxış edən Goranboy Rayon İcra Hakimiyyətinin başçısı Məhərrəm Quliyev Xocalı faciəsinin təkcə Azərbaycan xalqına deyil, bütün insanlığa və bəşəriyyətə qarşı yönəlmiş qətliam, vandalizm olduğunu bildirib və bu hadisəyə ilk siyasi-hüquqi qiymətin ümummilli lider Heydər Əliyev tərəfindən verildiyini qeyd edib.

Sonra rayon Mədəniyyət şöbəsinin aktyorlarının ifasında Xocalı soyqırımı qurbanlarının xatirəsinə həsr edilmiş ədəbi–bədii kompozisiya nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.