ELM VƏ TƏHSİL


Görkəmli Azərbaycan folklorşünası Məmmədhüseyn Təhmasibin 110 illik yubileyi qeyd olunacaq

Bakı, 9 avqust, AZƏRTAC 

Azərbaycan Milli Elmlər Akademiyası (AMEA) Folklor İnstitutunun və Nizami Gəncəvi adına Ədəbiyyat İnstitutunun birgə təşkilatçılığı ilə sentyabrda professor Məmmədhüseyn Təhmasibin 110 illik yubileyinə həsr edilən “Görkəmli Azərbaycan folklorşünası Məmmədhüseyn Təhmasib” mövzusunda elmi konfrans keçiriləcək.

AMEA-dan AZƏRTAC-a bildiriblər ki, tədbirdə görkəmli alimin həyat və yaradıcılığından, folklorşünaslıq sahəsindəki əvəzolunmaz xidmətlərindən söhbət açılacaq.

Folklorumuzu sistemləşdirən, toplayan və Azərbaycanda folklorşünaslıq məktəbi yaradan professor Məmmədhüseyn Təhmasib Azərbaycan tarixinin, etnoqrafiyasının, toponimlərinin, coğrafiyasının mükəmməl bilicisi olub. Alimin apardığı elmi-tədqiqat işləri bu gün də Azərbaycan ədəbiyyatşünaslığı üçün dəyərli mənbədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.