MƏDƏNİYYƏT


Görkəmli ədib Abdulla Şaiqin xatirəsi anılıb

Bakı, 22 fevral, AZƏRTAC

Fevralın 22-də görkəmli şair, yazıçı, dramaturq, pedaqoq Abdulla Şaiqin anadan olmasının 138-ci ildönümü ilə əlaqədar Fəxri xiyabanda ədibin məzarı ziyarət edilib.

AZƏRTAC xəbər verir ki, anma tədbirinə Nizami Gəncəvi adına Ədəbiyyat İnstitutu və Bakı muzeylərinin əməkdaşları, Mədəniyyət və İncəsənət Universitetinin müəllim və tələbələri, ədibin adını daşıyan 54 nömrəli orta məktəbin müəllim və şagirdləri, Rusiya İnformasiya Mərkəzinin nümayəndələri iştirak ediblər.

Mərasimdə Abdulla Şaiqin Mənzil Muzeyinin direktoru Ülkər Talıbzadə, muzeyin böyük elmi işçisi Arzu Hacıyeva çıxış edərək ədibin həyat və yaradıcılığından danışıblar.

Bildirilib ki, ömrünün 34 ilini Azərbaycan təhsilinin inkişafına həsr edən Abdulla Şaiq maarif və məktəb işləri ilə məşğul olub, qadınlar üçün jurnal çıxarmaq, uşaqlar üçün bağça açmaq, kitabxana yaratmaq, kasıb uşaqları pulsuz oxutmaq yollarını arayıb tapıb. Eyni zamanda, o, “Əlifba” kitabı hazırlayıb, müxtəlif dərsliklər və dərs proqramları ərsəyə gətirib.

Mərasimdə A.Şaiqin əsərlərindən ibarət kompozisiya təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.