CƏMİYYƏT


Göyçay sakininin evinin həyətyanı sahəsində ümumi çəkisi 75 kiloqramdan çox olan çətənə kolu aşkarlanıb VİDEO

Bakı, 26 avqust, AZƏRTAC

Göyçay Rayon Polis Şöbəsinin əməkdaşlarının keçirdikləri əməliyyatlar zamanı narkotik tərkibli bitkilərin kultivasiyası və narkotik vasitələrin qanunsuz dövriyyəsi ilə məşğul olan şəxslər tutulub.

Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, rayonun Ləkiçıplaq kəndində yerləşən fərdi yaşayış evinin həyətyanı sahəsində yerləşən istixanada narkotik tərkibli bitkilərin becərilməsi barədə polis şöbəsinə məlumat daxil olub. Həmin ünvan dərhal əməliyyat nəzarətinə götürülüb və keçirilmiş tədbirlər nəticəsində orada çətənə bitkilərinin kultivasiyası ilə məşğul olan şəxsin Adəm Beydullayev olduğu müəyyənləşdirilib. O, şübhəli şəxs qismində saxlanılıb və evinin həyətyanı sahəsindən xüsusi qulluq göstərilməklə yetişdirilən, ümumi çəkisi 75 kiloqram olan 13 ədəd çətənə kolu və 1 kiloqram 500 qrama yaxın marixuana aşkarlanaraq götürülüb.

Keçirilən digər əməliyyat nəticəsində isə rayon sakini, əvvəllər məhkum olunmuş Cavad Qasımov saxlanılıb. Onun yaşadığı ünvana baxış keçirilən zaman oradan heroin və qurudulmuş marixuana aşkarlanıb.

Faktlarla bağlı cinayət işləri başlanılıb, istintaq-əməliyyat tədbirləri davam etdirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.