REGİONLAR


Göyçayda “Düşərgə adamı” layihəsi çərçivəsində gənclər üçün təlim keçirilib

Göyçay, 20 iyun, AZƏRTAC

Gənclərin İnkişaf və Karyera Mərkəzinin Göyçay nümayəndəliyinin təşkilatçılığı ilə Aran Dağlıq Klubunun təsisçisi, “Everest” idman klubunun üzvü, təlimçi Seymur Məmmədov gənclər üçün təlim keçib.

AZƏRTAC-ın bölgə müxbiri xəbər verir ki, “Düşərgə adamı” layihəsi çərçivəsində Meyvəçilik və Çayçılıq Elmi-Tədqiqat İnstitutunun Göyçay Dayaq Məntəqəsində təşkil olunan tədbirdə 30 nəfərədək fəal gənc iştirak edib. Təlim zamanı gənclərə təbiətdə, əsasən də dağlarda düzgün hərəkət, davranış qaydaları, istifadə olunan əşyalar, çadırların açılması və yığılması, yataq tulumlarının peşəkarlıqla istifadəsi, yarana biləcək təhlükələrə qarşı görüləcək tədbirlər, habelə ekstremal vəziyyətlərdə görülməli işlər barədə ətraflı bilgilər verilib.

Sonra gənclərə verilən bilgilər praktiki şəkildə tətbiq olunub.

Təlim prosesində gəncləri maraqlandıran suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.