REGİONLAR


Göyçayda ev yanıb, bir nəfər vəfat edib

Göyçay, 31 iyul, AZƏRTAC 

Göyçay rayonunda ev yanıb və hadisə faciə ilə nəticələnib.

AZƏRTAC-ın bölgə müxbiri bildirir ki, hadisə rayonun Ləkçıplaq kəndində baş verib. Kənd sakini 1941-ci il təvəllüdlü Qarayeva Malikə Nəbi qızına məxsus ümumi sahəsi 160 kvadratmetr olan birmərtəbəli evdə baş verən yanğının söndürülməsi üçün əraziyə FHN Göyçay Dövlət Yanğından Mühafizə Hissəsinin 3 yanğınsöndürən maşını və canlı qüvvəsi cəlb olunub. Hadisə zamanı ev tamamilə yanıb. Bərk qorxu və dərin həyəcan keçirən ev sahibi 79 yaşlı Malikə Qarayeva ürək tutmasından dünyasını dəyişib.

Deyilənə görə ailə üzvləri hadisədən gec xəbər tutub və alov qısa vaxtda evi tam əhatə edib. Yanğınsöndürənlər alovun ətraf tikililərə keçməsinin qarşısını alıb, yanğın tam söndürülüb.

Faktla bağlı araşdırma aparılır, yanğının hansı səbəbdən baş verdiyi dəqiqləşdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.