REGİONLAR


Göyçayda ölümlə nəticələnən yanğın hadisəsi baş verib VİDEO

Göyçay, 25 fevral, AZƏRTAC

Göyçay rayonunda ölümlə nəticələnən dəhşətli yanğın hadisəsi baş verib.

AZƏRTAC-ın bölgə müxbiri xəbər verir ki, rayonun Kürdşaban kənd sakini, 1975-ci il təvəllüdlü Muradova Elnarə Cəfər qızına məxsus, ümumi sahəsi 110 kvadratmetr olan ikiotaqlı ev yanıb. Yanğının söndürülməsi üçün əraziyə Fövqəladə Hallar Nazirliyinin Göyçay Dövlət Yanğından Mühafizə Hissəsinin üç yanğınsöndürən avtomobili və canlı qüvvəsi cəlb olunub.

Hadisə zamanı ev və içərisindəki əşyalar tamamilə yanaraq yararsız hala düşüb. Yanğınsöndürənlər alovun yaxınlıqdakı tikililərə keçməsinin qarşısını alıblar. Yanğın söndürüldükdən sonra mənzildə ev sahibinin anası, 1934-cü il təvəllüdlü Mahmudova Badam Ağası qızının yanmış cəsədi tapılıb.

Hadisənin hansı səbəbdən baş verməsi hələ ki məlum deyil.

Faktla əlaqədar hüquq-mühafizə orqanlarının əməkdaşları tərəfindən araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.