REGİONLAR


Göyçayda taxıl biçininə hər gün 45-dən çox kombayn çıxarılır

Göyçay, 13 iyun, AZƏRTAC

Göyçayda taxıl biçininə mütəşəkkil hazırlıqla başlanılıb.

Rayon icra hakimiyyətindən AZƏRTAC-ın bölgə müxbirinə verilən məlumatda bildirilib ki, cari ilin məhsulu üçün 12 min 342 hektar sahədə taxıl yetişdirilib. Bunun 6200 hektarı buğda, 6142 hektarı isə arpadır.

Zəmilərə hər gün hüquqi və fiziki şəxslərə məxsus 46 kombayn çıxarılır. İlkin olaraq daha tez yetişən arpa sahələri biçilir. Artıq 2784 hektar sahənin məhsulu biçilib. Hələlik hər hektardan orta hesabla 35 sentner arpa götürülür. Bu da taxılçıları qane edir.

Bölgədə mühüm strateji məhsul olan taxılın vaxtında və itkisiz yığılması üçün bütün qüvvələr səfərbər olunub. Bu mühüm kampaniya rayonun demək olar ki, bütün ərazilərində, xüsusilə Yeniarx, İnçə, Alpout, Çaxırlı, Şəkər, Qaraməryəm və bir sıra digər icra nümayəndəliklərində daha mütəşəkkil aparılır.

 

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.