REGİONLAR


Göyçayda tənha ahıl sakinlərə zəruri ərzaq məhsulları paylanıb

Göyçay, 5 aprel, AZƏRTAC

Göyçay rayonunda koronavirus (COVID-19) təhlükəsi ilə bağlı xüsusi karantin rejimi şəraitində tibbi-profilaktik, dezinfeksiya işləri, əhalinin maarifləndirilməsi, tənha ahıl insanların ehtiyaclarının ödənilməsi ilə əlaqədar ardıcıl tədbirlər davam etdirilir.

Rayon icra hakimiyyətindən AZƏRTAC-ın bölgə müxbirinə bildirilib ki, aprelin 4-də rayon mərkəzi ilə yanaşı, Çərəkə, Şəhadət, Qarabaqqal, Ləkçılpaq və Qaraməryəm yaşayış məntəqələrinin inzibati binalarında, əhalinin daha çox hərəkətdə olduğu küçələrdə dezinfeksiya işləri aparılıb, habelə tənha ahıl sakinlər zəruri ərzaq məhsulları və tibbi preparatlarla təmin olunublar.

Məlumatda o da bildirilib ki, mobil qruplar əhalinin daha çox hərəkətdə olduğu küçələrdə, sıx toplaşdığı ərazilərdə maarifləndirmə işləri aparıb, karantin şəraitində mövcud qaydalara riayət etmələrinin zəruriliyi izah olunub. Habelə karantin şərtlərini pozanlar cərimələniblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.