Göygöl, 5 iyun, Elcan Məmmədov, AZƏRTAC

5 İyun - Ümumdünya Ətraf Mühitin Mühafizəsi Günü münasibətilə Ekologiya və Təbii Sərvətlər Nazirliyi tərəfindən respublika ərazisində çay sahillərinin tullantılardan təmizlənməsi ilə əlaqədar ekoloji aksiya keçirilib.

AZƏRTAC-ın bölgə müxbiri xəbər verir ki, Göygöl rayonunun ərazisindən keçən Gəncə çayının sağ və sol sahillərində keçirilən aksiyada, ümumilikdə, 180 nəfər iştirak edib. Gəncə çayının sağ və sol sahilləri boyunca ərazilər tullantılardan təmizlənib, toplanan təxminən 380 kiloqram tullantı polietilen torbalara toplanaraq Göygöl MKTİB-nə məxsus nəqliyyat vasitəsilə ərazidən daşınıb.