İDMAN


Güləş üzrə Azərbaycan çempionatının ilk gününün finalçıları müəyyənləşib

Bakı, 7 dekabr, AZƏRTAC

Bakı İdman Sarayında sərbəst və yunan-Roma güləşi üzrə Azərbaycan çempionatı davam edir.

AZƏRTAC xəbər verir ki, milli komandalara seçim xarakteri daşıyan ölkə birinciliyinin birinci günündə - dekabrın 7-də yunan-Roma güləşi üzrə 55, 60, 63, 67, 72, 77 və 82 kiloqram çəki dərəcələrində finalçılar müəyyənləşib. Belə ki, həlledici görüşdə İbrahim Nurullayev, Fərid Sadıxlı (55 kq), Elmir Əliyev, Fərdi Hümbətov (60 kq), Murad Məmmədov, Təvəkgül Həziyev (63 kq), Taleh Məmmədov, Namaz Rüstəmov (67 kq), Ruslan Nurullayev, Ülvi Qənizadə (72 kq), Sənan Süleymanov, Xasay Həsənli (77 kq) və Həsən Nəsirov isə Tuncay Vəzirzadə (82 kq) ilə qarşılaşacaqlar.

Dekabrın 8-də klassik güləşdə 87, 97 və 130, sərbəst güləşdə isə 57, 61, 65 və 70 kiloqram çəki dərəcələrində medalçıların adına aydınlıq gələcək. Yarışın sonuncu günündə isə 74, 79, 86, 92, 97 və 125 kiloqram çəki dərəcələrində ölkənin ən güclü sərbəst güləşçiləri bəlli olacaq.

Yarış dekabrın 9-dək davam edəcək.

Qeyd edək ki, ölkədə davam edən karantin rejimi ilə əlaqədar olaraq Azərbaycan çempionatı azarkeşsiz keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.