İDMAN


Güləşçimiz Alyona Kolesnik İslamiadada keçirdiyi ikinci görüşdən də qalib ayrılıb

Konya, 10 avqust, Səxavət Quliyev, AZƏRTAC

Azərbaycanın qadın güləşçisi Alyona Kolesnik İslamiadada keçirdiyi ikinci görüşdən də qalib ayrılıb.

AZƏRTAC xəbər verir ki, Konya Texniki Universitetinin idman salonunda təşkil olunan yarışda 59 kiloqram çəki dərəcəsində çıxış edən güləşçimiz qrup mərhələsi çərçivəsində ikinci görüşündə Özbəkistan idmançısı Dilfuza Aimbetovanı 6:3 hesabı ilə üstələyib.

Güləşçimiz ilk görüşündə Qazaxıstan təmsilçisi Dürdana Bekeşi 12:0 hesabı ilə məğlub edib.

Beşinci İslam Həmrəyliyi Oyunları 2021-ci ilin sentyabrında keçirilməli idi. Daha sonra pandemiya ilə əlaqədar yarışa hazırlığın tam aparılması üçün oyunların 2022-ci ilə təxirə salınması məqsədəuyğun hesab olunmuşdu. İlk dəfə İslam Həmrəyliyi Oyunları Səudiyyə Ərəbistanında keçirilib. Dördüncü İslam Həmrəyliyi Oyunlarına Azərbaycan ev sahibliyi edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.