İDMAN


Güləşçimiz Cəbrayıl Həsənov dünya çempionatının finalında amerikalı Kayl Duqlas Deyklə qarşılaşacaq

Bakı, 20 oktyabr, AZƏRTAC

Macarıstanın paytaxtı Budapeştdə güləş üzrə dünya çempionatı davam edir.

AZƏRTAC xəbər verir ki, ikinci yarış günündə 57, 65, 79 və 92 kiloqram çəkidə çıxış edən güləşçilər mübarizə aparıblar.

Mübarizəyə 1/8 finaldan qoşulan Cəbrayıl Həsənov çətinlik çəkmədən Puerto-Riko idmançısına qalib gəlib. Yığmamızın kapitanı 1/4 finalda Belarus təmsilçisi üzərində də inamlı qələbə qazanaraq yarımfinala adlayan ilk güləşçimiz olub. Finalın bir addımlığında Cəbrayıl əsl əzmkarlıq nümayiş etdirib. İranlı güləşçi 3:0 hesabı ilə önə keçsə də, son yarım dəqiqədə möhtəşəm geridönüş edən həmyerlimiz karyerasında ilk dəfə finala yüksəlib. C.Həsənov oktyabrın 22-də finalda amerikalı Kayl Duqlas Deyklə qarşılaşacaq.

Hacı Əliyev mundialla erkən vidalaşıb. Bir ay əvvəl Belarusda dizindən zədələnən 3 qat dünya çempionumuz bunun acısını kubalı güləşçi ilə görüşdə çəkib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.