İDMAN


Güləşçimiz Elvin Mürsəliyev dünya çempionatında bürünc medal uğrunda yarışacaq YENİLƏNİB

Bakı, 22 avqust, AZƏRTAC

Elvin Mürsəliyev dünya çempionatında bürünc medal uğrunda yarışacaq.

Yarımfinalda Belarus təmsilçisi Radzik Kulieu ilə gərgin keçən qarşılaşmada hesab bərabər olsa da, sonuncu xalı qazandığından qələbə rəqibə verilib. Bununla da Elvin Mürsəliyev bürünc medal uğrunda görüşə çıxacaq.

X X X

16:30

Azərbaycan güləşçisi Elvin Mürsəliyev dünya çempionatının yarımfinal mərhələsinə yüksəlib.

Güləşçimiz rusiyalı Olimpiya çempionu Roman Vlasovu, Polşa təmsilçisi Edgar Babayanı və mərakeşli Zied Aid Ouagramı məğlub edərək yarımfinala adlayıb.

E.Mürsəliyevin növbəti rəqibi Belarus güləşçisi Radzik Kulieu olacaq.

X X X

11:36

Fransanın paytaxtı Parisdə güləş üzrə dünya çempionatı davam edir.

AZƏRTAC xəbər verir ki, ikinci yarış günündə 59, 66, 80 və 130 kiloqram çəki dərəcəsində yunan-Roma güləşçiləri mübarizə aparırlar.

Bu gün xalça üzərinə Taleh Məmmədov (59 kq), Kamran Məmmədov (66 kq), Elvin Mürsəliyev (80 kq) və Sabah Şəriəti (130 kq) çıxacaqlar.

Yığmamız baş məşqçi Şaban Donat, böyük məşqçi Akif Əliyev, məşqçilər Nurəddin Rəcəbovun rəhbərliyi altında mübarizə aparır.

1/16 finalda Taleh Məmmədov belaruslu Maksim Kazarski, Kamran Məmmədov koreyalı Hansu Ryu, Elvin Mürsəliyev rusiyalı Roman Vlasov, Sabah Şəriəti isə 1/8 finalda M.Kuçmu (Ukrayna)-M.Knistautsa (Litva) qarşılaşmasının qalibi ilə görüşəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.