İDMAN


Günter Ştayner: Biz Bakı mərhələsinədək hansısa bir çıxış yolu tapacağıq

Bakı, 16 aprel, AZƏRTAC 

“Haas F1”in bolidləri təsnifatlarda sürətlidir, lakin yürüşlərdə rəqabətqabiliyyətliliyini itirirlər, distansiyada şinlərin optimal temperaturunu saxlamaq mümkün deyil.

AZƏRTAC xəbər verir ki, komandanın rəhbəri Günter Ştaynerin fikrincə, hələ də bu məsələ həll olunmayıb.

-Hər iki pilot onluqda start götürüb, lakin yenə də xal qazanmayıblar. Sizdə hansı problemlər yaranıb?

-Problemlər eynilə Bəhreyndə olduğu kimidir. Bolid termoüzlüklərdə qızdırılmış yeni şinlərlə daha sürətli olsa da, bir neçə dövrədən sonra temp aşağı düşür. Biz bu problemi Bəhreyndəki yürüşdən sonra aşkar etdik, lakin hələ də bu məsələnin həllinə nail olmamışıq.

-Problemin həlli yolunu daha tez tapmaq üçün mütəxəssisləriniz çatmır?

-Demək çətindir. Mütəxəssislər var, lakin hələ də problemin həlli yolunu tapmamışıq. Bu, qış testlərində baş verməmişdi, çünki Barselonadakı trass Bəhreyn və ya Şanxaydakı avtodromlarla müqayisədə tamamilə başqa xarakterə malikdir.

Bu baxımdan, Bakıda vəziyyət daha pis ola bilər. Mən bizim məcburən bununla barışacağımıza hazıram. Ümid edirəm ki, biz Bakı mərhələsinədək hansısa çıxış yolu tapacağıq, lakin buna bənzər traslarda biz şinləri qızdırmağa nail ola bilmirik.

-Bu trasların özəlliyi nədədir?

-Uzun düz yola və şinləri o qədər də yükləməyən döngələrə malik sürətli traslarda biz şinləri işlək diapazona gətirməyə nail ola bilmirik.

Barselonadakı qış testlərində hava soyuq idi, lakin orada şinlərin yüklənməsi kifayət qədər böyük idi. Şinlər orada əla işlədi, tez zamanda qızır və işlək diapazonda qalırdı. Avstraliyada hava daha isti idi, orada problem ortaya çıxmadı. Bəhreyn və Şanxayda isə şinlər sadəcə işləmirdi.

Bunu hansısa bir amillə - şassilərin konstruksiyası və ya aerodinamika ilə izah etmək mümkün deyil. Bunun bir neçə səbəbi var və onlar bir-biri ilə qarşılıqlı əlaqəlidir. Əks təqdirdə, biz bunun öhdəsindən çoxdan gələrdik.

-Siz problemin həlli yolunu necə axtaracaqsınız?

-Biz bunun həlli yolunu aerodinamik trubada axtaracağıq. Əyləclərin temperaturundan, aerodinamik yüklənmədən və s. vasitələrdən istifadə edərək, şinləri qızdırmaq üçün fürsət tapmalıyıq. Hələ ki, çıxış yolumuz yoxdur. Problem həll olunan zaman buna necə nail olmağımız barədə danışacağam. Hələ ki, mən heç nə bilmirəm.

-Uzunmüddətli uçuşlarla müşayiət olunan dörd səfər mərhələsi həll yollarını axtarmağa mane olurmu?

-Xeyr, bunun əhəmiyyəti yoxdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.