CƏMİYYƏT


Gürcü müharibə veteran: Hərbi cinayətkara abidə qoymağın özü cinayətdir

Tbilisi, 9 fevral, AZƏRTAC

“Axalkalakidə abidəsi qoyulmuş erməni terrorçu Mixail Avaqyan hərbi cinayətkar olub. O, Abxaziyada gürcülərə qarşı döyüşüb. Onun büstü sökülərək götürülməlidir”.

AZƏRTAC xəbər verir ki, bu sözləri jurnalistlərə açıqlamasında Gürcüstanda yaşayan azərbaycanlıların M.Avaqyanın büstünün qoyulmasına qarşı keçirdikləri etiraz aksiyasında iştirak edən Abxaziya müharibəsi veteranı Vaxtanq Corcikia söyləyib.

Onun sözlərinə görə, Abxaziyada ermənilərdən ibarət Baqramyan adına tabor etnik təmizləmə həyata keçirib və dinc sakinlərə qarşı insanlığa sığmayan vəhşiliklər törədib. Bu cinayətkar qrupun üzvləri Abxaziyada bir ailənin üzvləri olan qadın və uşaqları diri-diri yandırıblar. Ermənilərin Dağlıq Qarabağda da necə qanlı cinayətlər törətdiklərini eşitmişik. Belə cinayətkarlara necə abidə qoymaq olar?”.

V.Corcikia bildirib ki, M.Avaqyana büstün qoyulması qəsdən törədilmiş təxribatdır və bunun qarşısı alınmalıdır. Abidənin qoyulması barədə mərkəzi hakimiyyət məlumatlandırılmayıb. Büstün qoyulmasını şəxsi təşəbbüs adlandırırlar. Lakin istənilən halda abidə qeyri-qanuni qoyulub və mütləq götürülməlidir”.

O deyib: “Bu gün parlamentin binası qarşısına toplaşan Gürcüstan ictimaiyyəti də büstün ucaldılmasını təxribat sayır. Bu addımın məqsədi Gürcüstanla Azərbaycanın arasını vurmaq, Gürcüstanda yaşayan millətləri qarşı-qarşıya qoymaq və qeyri-sabitlik yaratmaqdır. Ona görə də hakimiyyət buna loyal qalmamalı və konkret addımlar atmalıdır”.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.