CƏMİYYƏT


Gürcüstan-Azərbaycan sərhədində Azərbaycana dəstək aksiyası keçirilib

Tbilisi, 16 iyul, AZƏRTAAC

Gürcüstanda, “Qırmızı körpü” sərhəd-keçid məntəqəsi yaxınlığında Azərbaycana dəstək aksiyası keçirilib.

AZƏRTAC xəbər verir ki, Gürcüstan azərbaycanlılarının təşkil etdiyi aksiyada son günlər Ermənistanın Azərbaycana qarşı törətdiyi hücumlar və təxribatlar qətiyyətlə pislənilib.

Əllərində Azərbaycanın və Gürcüstanın bayraqlarını tutan 500-dək soydaşımız Azərbaycanın haqlı mövqeyini dəstəklədiklərini bəyan edib, Ermənistanın təxribatını və işğalçılıq siyasətini qətiyyətlə pisləyib.

Azərbaycanlı gənclər Prezident, Ali Baş Komandan İlham Əliyevin ətrafında sıx birləşdiklərini bildiriblər. Onlar Ermənistanı təcavüzə və təxribatçı əməllərə son qoymağa çağırıb, işğal etdikləri ərazilərdən dərhal çıxmağı tələb ediblər.

Aksiyada Gürcüstan-Azərbaycan dövlət sərhədi yaxınlığında yerləşən kəndlərdən və Gürcüstanın digər bölgələrindən olan azərbaycanlılar iştirak ediblər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.