İQTİSADİYYAT


Gürcüstan Şərq-Qərb avtomagistralının tikintisinə böyük həcmdə vəsait ayırıb

Batumi, 12 iyul, AZƏRTAC

Şərq-Qərb avtomagistralı Avropa və Asiyanın birləşdirilməsi üçün mühüm layihədir. Gürcüstan bu yolun tikintisinə böyük həcmdə vəsait ayırıb.

AZƏRTAC xəbər verir ki, bu sözləri Gürcüstanın Regional İnkişaf və İnfrastruktur naziri Maya Tskitişvili iyulun 12-də Batumidə keçirilən “Şərq tərəfdaşlığı”nın 10 illiyinə həsr olunan beynəlxalq konfransdakı çıxışında deyib.

Nazirin sözlərinə görə, Gürcüstanda iri infrastruktur layihələrin 2022-ci ildə başa çatdırılması nəzərdə tutulur. Bu layihələr başa çatdıqdan sonra Gürcüstan-Azərbaycan sərhədindən Gürcüstan-Türkiyə sərhədinədək olan avtomobil yolunu 2 dəfə daha az vaxta qət etmək mümkün olacaq.

“Gürcüstanda, həmçinin yük və sərnişin daşımaları üçün əsas vasitə olan dəmir yollarının modernləşdirilməsi də davam etdirilir”, – deyə o vurğulayıb.

Xətayi Əzizov

AZƏRTAC-ın xüsusi müxbiri

Batumi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.