DÜNYA


Gürcüstan builki seçkilərə daha çox beynəlxalq müşahidəçi dəvət edəcək

Tbilisi, 30 may, AZƏRTAC

Gürcüstan oktyabrın 31-nə nəzərdə tutulmuş parlament seçkilərini daha demokratik, azad və şəffaf keçirməkdə maraqlıdır. Bunun üçün hökumət əlindən gələni edəcək.

AZƏRTAC xəbər verir ki, bu fikri Gürcüstanın Baş Naziri Giorgi Qaxariya parlamentdəki çıxışı zamanı söyləyib. Onun sözlərinə görə, Gürcüstanın builki parlament seçkilərində daha çox müşahidəçi olacaq. Hökumət seçkilərə daha çox beynəlxalq müşahidəçi dəvət edəcək.

“Epidemioloji testlər olacaq, məsafələr qorunacaq, müşahidəçilər nəqliyyat vasitələri ilə təmin ediləcək. Əlimizdən gələni edəcəyik ki, beynəlxalq müşahidəçilərin seçkilərə nəzarət etmələri üçün heç bir maneə olmasın. Pandemiyanın qlobal partlaması baş verməsə, onlar mütləq seçkilərdə iştirak edəcəklər”, - deyə Giorgi Qaxariya vurğulayıb.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.