DÜNYA


Gürcüstan dövləti dini icmalara maliyyə yardımı ayırıb

Tbilisi, 21 yanvar, AZƏRTAC

Gürcüstan dövləti 2021-ci ildə ölkədəki dini icmalara maliyyə yardımı ayırıb.

AZƏRTAC xəbər verir ki, Gürcüstanın Dini İşlər üzrə Dövlət Agentliyi dövlət büdcəsindən ayrılmış vəsaiti dini icmalar arasında bölüb.

Agentliyin yaydığı məlumatda deyilir ki, dini icmalara yardım məqsədilə dövlət büdcəsindən 4 milyon 500 min lari ayrılıb. Artıq bu vəsaitin 3 milyon 500 mini dini icmalar arasında bölüşdürülüb.

Məlumata görə, həmin vəsaitin 2 milyon 200 min larisi Gürcüstanın İslam dini icmasına, 600 min larisi ermənilərin apostol xristian icmasına, 400 min larisi Roma katoliklərinin xristian icmasına və 300 min larisi Gürcüstan yəhudi icmasına ayrılıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.