DÜNYA
Gürcüstan ərazisindən yükdaşınmalara görə tariflər artırılıb
Tbilisi, 20 iyun, AZƏRTAC
Gürcüstan ərazisindən keçməklə yük daşınmalarına görə tranzit tarifləri 100 GEL artırılıb.
AZƏRTAC xəbər verir ki, iyunun 20-dən qüvvəyə minən qərara əsasən, Gürcüstan ərazisindən keçməklə yük daşınmlarının tarifi 200 GEL-dən 350 GEL-ə qədər artırılıb.
Bu artım, həm tranzitlə keçən avtomobillərə, həm də malların təkrar ixracına şamil olunacaq.
Gürcüstan Maliyyə Nazirliyindən bildirilib ki, tranzit daşınmalarına görə tariflər 2010-cu il avqustun 1-dən tətbiq olunur. Son illər ərzində Gürcüstanın yerli və beynəlxalq əhəmiyyətli yollarında infrastruktur və yolların keyfiyyəti əsaslı dərəcədə yaxşılaşıb. Artım da bununla əlaqədardır.
Qeyd edək ki, Gürcüstan tranzit hab rolunu oynayan ölkədir və Rusiya ilə Ermənistan arasında yeganə avtomobil daşınmaları yoludur.
Xətayi Əzizov
AZƏRTAC-ın xüsusi müxbiri
Tbilisi