İQTİSADİYYAT


Gürcüstan hökuməti Azərbaycan şirkətləri ilə əməkdaşlığa hazırlaşır

Tbilisi, 20 iyul, AZƏRTAC

Gürcüstan hökuməti turizm sektoru ilə bağlı yeni təkliflər planı hazırlayıb. On maddədən ibarət sənəddə Azərbaycan şirkətləri ilə əməkdaşlıq da nəzərdə tutulub.

AZƏRTAC xəbər verir ki, bu barədə Gürcüstanın İqtisadiyyat və Davamlı İnkişaf naziri Natia Turnava məlumat verib.

Onun sözlərinə görə, təkliflər paketi Rusiyanın Gürcüstana birbaşa uçuşlara tətbiq etdiyi qadağaya cavab kimi tərtib olunub.

Nazir deyib ki, sənəddə Bakıdan Tbilisiyə “şatl” tipli avtobusların xəttə buraxılması təklifi yer alıb.

Onun sözlərinə görə, Azərbaycan aviaşirkətləri ilə danışıqlar aparılır və onlara Bakı-Tbilisi istiqamətində hərəkət edəcək “şatl” avtobuslarını aviabiletlərə inteqrasiya etmək təklif olunur.

Sənəddə, həmçinin çarter reyslərin subsidiyalaşdırılması, diplomatik korpusla iş, Gürcüstana məşhur simaların dəvət olunması, təbliğat kampaniyalarının gücləndirilməsi və digər istiqamətlər üzrə maddələr də öz əksini tapıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.