DÜNYA


Gürcüstan hökuməti “Gürcüstan Dəmir Yolları” Səhmdar Cəmiyyətini özəlləşdirməyə çıxarmağı planlaşdırır

Tbilisi, 27 noyabr, AZƏRTAC

Gürcüstan hökuməti bir neçə şirkət, idarə və səhmdar cəmiyyəti özəlləşdirməyə çıxarmağı planlaşdırır.

AZƏRTAC Gürcüstan KİV-lərinə istinadla xəbər verir ki, bu barədə Gürcüstan Baş nazirinin müavini, iqtisadiyyat və davamlı inkişaf naziri Giorgi Kobulia “Bloomberg”ə müsahibəsində bildirib.

Nazir deyib ki, hökumət ilkin olaraq “Gürcüstan Dəmir Yolları” SC-ni və milli poçt operatoru olan “Gürcüstan Poçtu”nu özəlləşdirməyə çıxarmağı planlaşdırır. Lakin hökumət “Gürcüstan Dəmir Yolları”nda müəyyən həcmdə dövlət payını saxlamaq niyyətindədir.

Onun sözlərinə görə, ölkənin energetika bazarında yaranmış problemlərə görə 2011-ci ildən fəaliyyəti dayandırılmış “Dövlət energetika sistemi”nin də satışı nəzərdə tutulub.

Giorgi Kobulia deyib: “Dövlət şirkətlərinin satışı iqtisadiyyatın artımını stimullaşdırmalıdır. Dövlət bu obyektlərin satışından on milyonlarla gəlir əldə edə bilər”.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.