DÜNYA


Gürcüstan hökuməti turizm sektoru üçün vergi güzəştləri tətbiq edib

Tbilisi, 7 iyul, AZƏRTAC

Gürcüstan hökuməti turizm sektorunun inkişafı məqsədilə bu sahədəki kiçik və orta biznes subyektlərinə yardım paketi hazırlayıb. Layihəyə əsasən, Gürcüstanda turizm sektorunda fəaliyyət göstərən kiçik və orta biznes subyektləri 2021-ci il üzrə əmlak vergisindən azad edilib.

AZƏRTAC xəbər verir ki, bu barədə Gürcüstan Maliyyə Nazirliyinin Gəlirlər Xidmətindən məlumat verilib.

Bildirilir ki, hökumətin güzəşt paketindən 1 200-dən çox vergi ödəyicisi yararlanacaq. Silinən vergi borclarının məbləği təxminən 40 milyon lari (təqribən 13 milyon ABŞ dolları) təşkil edir.

Qeyd olunur ki, hökumətin bu qərarı COVID-19 pandemiyasının səbəb olduğu iqtisadi itkilər şəraitində kiçik və orta biznes subyektlərinə stimullaşdırıcı təsir göstərəcək.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.