DÜNYA


Gürcüstan iqtisadiyyatında cari ildə 5 faiz azalma olacaq

Tbilisi, 6 avqust, AZƏRTAC

Qlobal pandemiyanın Gürcüstan iqtisadiyyatına vurduğu ziyanın həcmi daha böyük olacaq. Hökumət iqtisadi göstəricilərə yenidən baxıb və proqnozlar yenilənib.

AZƏRTAC xəbər verir ki, bu barədə Gürcüstan Milli Bankının prezidenti Koba Qvenatadze məlumat verib.

Onun sözlərinə görə, Gürcüstanın 2020-ci il üzrə iqtisadi inkişaf proqnozu qlobal pandemiyaya görə yenilənib. Cari ildə ölkə iqtisadiyyatında azalmanın əvvəlcədən proqnozlaşdırıldığı kimi 4 faiz deyil, 5 faiz olacağı gözlənilir. Bu da pandemiya başlayan dövrdə müşahidə olunan qlobal iqtisadi fəallığın və xarici tələbin azalması ilə bağlıdır.

O deyib ki, 2020-ci ilin birinci yarısında Gürcüstan iqtisadiyyatı 2019-cu ilin eyni dövr ilə müqayisədə 5,8 faiz azalıb.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.