DÜNYA


Gürcüstan kibertəhlükəsizliyini möhkəmləndirmək üçün xaricdən maliyyə yardımı alır

Tbilisi, 1 iyul, AZƏRTAC

Gürcüstan kibertəhlükəsizliyini möhkəmləndirmək üçün xarici ölkələrdən maliyyə dəstəyi alır. Britaniya hökuməti Gürcüstana bu məqsədlər üçün 5 milyon funt sterlinq maliyyə yardımı ayırıb.

AZƏRTAC xəbər verir ki, bununla bağlı Gürcüstanın Baş naziri İrakli Qaribaşvili ilə Böyük Britaniyanın Baş naziri Boris Conson arasında görüşdə məlumat verilib.

Bildirilib ki, bu yardım Böyük Britaniyanın Gürcüstana kibertəhlükəsizlik sahəsində dəstəyinin növbəti mərhələsidir. Bu, Gürcüstanın Milli Təhlükəsizlik Şurasına yeni kibertəhlükəsizlik strategiyasını hazırlamağa imkan verəcək. Britaniya, həmçinin kibermüdafiəni və bu sahədə imkanlarını gücləndirmək üçün Gürcüstanın Müdafiə Nazirliyi ilə birbaşa işləyəcək.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.