DÜNYA


Gürcüstan müxalifəti parlamenti mühasirəyə almaq niyyətindədir

Tbilisi, 17 noyabr, AZƏRTAC

Biz mübarizəmizi davam etdirəcəyik, bu gün evə getməyəcəyik və parlamenti tam olaraq blokadaya alacağıq.

AZƏRTAC xəbər verir ki, bu sözləri Gürcüstanın əsas ana müxalifət partiyası hesab olunan Vahid Milli Hərəkat Partiyasının lideri Qriqol Vaşadze noyabrın 17-də parlamentin qarşısında keçirilən etiraz aksiyasındakı çıxışı zamanı söyləyib. Onun sözlərinə görə, Gürcüstan parlamenti artıq legitimliyini itirib.

“Güc birlikdədir” müxalif birliyinin nümayəndəsi Giorgi Vaşadze deyib ki, müxalifət öz fəaliyyətini qanun çərçivəsində davam etdirəcək. Müxalifətin aksiyası və itaətsizlik Konstitusiya çərçivəsində olacaq.

“Hamı bir nəfərə qarşı” şüarı altında təşkil olunan aksiyaya 20-dən çox siyasi təşkilat qoşulub. Müxalifət aksiyanı bütün gecə boyu davam etdirəcək. Bunun üçün Rustaveli prospektində 20-dən çox çadır qurulub. Odun, dəmir soba və dəmir çəlləklər gətirilib.

Qeyd edək ki, Tbilisi müxalifətinə dəstək olaraq Acarıstanda hökumət binasının qarşısında da etiraz aksiyası keçirilir. Onlar da seçki qanunvericiliyinə dəyişikliyin olunmasını tələb edirlər.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.