SİYASƏT


Gürcüstan nazirinə “Azərbaycan Respublikası diplomatik xidmət orqanlarının 100 illiyi” medalı təqdim olunub

Tbilisi, 10 sentyabr, AZƏRTAC

Gürcüstanın Xarici İşlər naziri David Zalkalianiyə “Azərbaycan Respublikası diplomatik xidmət orqanlarının 100 illiyi” yubiley medalı təqdim olunub.

AZƏRTAC xəbər verir ki, medalı David Zalkalianiyə Azərbaycanın Gürcüstandakı səfiri Dursun Həsənov təqdim edib.

Nazir bu mükafata Azərbaycan ilə Gürcüstan arasındakı münasibətlərin möhkəmləndirilməsinə verdiyi töhfəyə görə layiq görülüb.

Gürcüstanın xarici siyasət idarəsinin rəhbəri bu xüsusi medala layiq görüldüyünə görə Azərbaycan Prezidentinə təşəkkür edib. O bildirib ki, Gürcüstan ilə Azərbaycan arasında dostluq münasibətlərinin qədim tarixi var. Bu gün əlaqələrimiz strateji tərəfdaşlıq səviyyəsinə yüksəlib. Bizim hərtərəfli əməkdaşlığımız bundan sonra da davam etdiriləcək.

Səfir Baş Nazir Giorgi Qaxariyanın rəhbərliyi altında Gürcüstan hökumətinin fəaliyyətinə uğurlar arzulayıb.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.