Gürcüstan parlamentinin plenar iclasında deputatlar arasında dava olub

Tbilisi, 22 mart, AZƏRTAC

Gürcüstan parlamentinin plenar iclasında deputatlar arasında dava olub.

AZƏRTAC xəbər verir ki, deputatlar arasında əvvəlcə yaranan mübahisə sonradan əlbəyaxa davaya çevrilib.

“Xalqın gücü” hərəkatının üzvü Viktor Caparidze müxalifətdən olan deputatları agent adlandırıb. Bundan sonra müstəqil deputat Tariel Nakaidze ona qarşı nalayiq sözlər işlədib. Daha sonra deputatlar biri-birlərinə fiziki güc tətbiq ediblər.

Fiziki qarşıdurmaya digər deputatlar da qoşulublar.

İclasda fasilə elan olunub, təhlükəsizlik xidməti deputatları zaldan çıxarıb.

Xətayi Əzizov

AZƏRTAC-ın xüsusi müxbiri

Tbilisi