DÜNYA


Gürcüstanda 250 nəfərdən çox yerli sakin və turist təbii fəlakət zonasından təxliyə olunub

Tbilisi, 2 avqust, AZƏRTAC

Gürcüstanda təbii fəlakət bölgəsindən əhalinin təxliyəsi başa çatıb, təbii fəlakətin nəticələrinin aradan qaldırılması işləri davam etdirilir.

AZƏRTAC xəbər verir ki, artıq 250 nəfərdən çox yerli sakin və turist helikopterlərin köməyi ilə Raça bölgəsindəki təbii fəlakət zonasından təhlükəsiz ərazilərə çatdırılıb.

Gürcüstan Daxili İşlər Nazirliyinin Fövqəladə Halların idarə Olunması Mərkəzinin yaydığı məlumatda deyilir ki, ətraf mühitlə əlaqəsi tam kəsilmiş 12 kənddən 7-si ilə əlaqə qismən təmin olunub. Beş kənd ilə hələ də helikopterlərlə əlaqə saxlanılır.

Qeyd edək ki, iyulun 29-da yağan güclü leysan yağışları nəticəsində Raça bölgəsindəki Rioni çayı məcrasından çıxıb. Nəticədə Oni bələdiyyəsindəki daxili yollar, beynəlxalq əhəmiyyətli magistral yollar və 10 körpü dağılıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.