DÜNYA


Gürcüstanda Qara dənizin sahilləri yenə də təhlükə mənbəyinə çevrilib

Tbilisi, 8 sentyabr, AZƏRTAC

Gürcüstanda hava şəraitinin kəskin dəyişəcəyi, əhaliyə, xüsusən də turistlərə Qara dəniz sahillərində 3 ballıq qasırğa barədə xüsusi xəbərdarlıq edilib.

AZƏRTAC xəbər verir ki, bu barədə məlumatı Gürcüstan Fövqəladə Halların İdarə Olunması Xidməti yayıb.

Bildirilir ki, Qara dənizdə dalğanın hündürlüyü 3 metrə çatacaq.

Batumidə xilasedicilər dəniz kənarında istirahət edən turistlərə xəbərdarlıq edir, insanları diqqətli olmağa, mümkün qədər dənizdən kənar qalmağa dəvət edirlər. İnsanlara dənizdə çimmək qadağan olunub.

Bu gün axşam saatlarından başlayaraq sentyabrın 12-dək Gürcüstanın qərb bölgəsində güclü yağış, külək olacaq, çaylarda suyun səviyyəsi qalxacaq, sürüşmə zonalarında aktivləşmə artacaq.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.