DÜNYA


Gürcüstanda birinci sinif şagirdləri üçün yeni dərs ili oktyabrın 4-də başlayacaq

Tbilisi, 8 sentyabr, AZƏRTAC

Gürcüstan məktəblərində birinci siniflərin ilk dərs günü sentyabrın 15-də deyil, oktyabrın 4-də əyani formatda başlayacaq.

AZƏRTAC xəbər verir ki, bu barədə Gürcüstanın Təhsil və Elm Nazirliyi məlumat yayıb. Məlumatda bildirilir ki, bu qərar yalnız tədrisin başlayacağı dövrdə yoluxma nisbətinin 4 faizdən aşağı olacaq şəhər və kəndlərə şamil ediləcək.

“Bu qərar, birinci sinif şagirdlərinin ilk məktəb təcrübəsinin sinif yoldaşlarının və müəllimlərin əhatəsində sinif mühitində aparılması lazım olan pedaqoji rəyə əsaslanır”, - deyə nazirlikdən bildirilib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.