DÜNYA


Gürcüstanda cəmi 13 min 507 nəfər peyvəndin ikinci dozasını qəbul edib

Tbilisi, 14 may, AZƏRTAC

Gürcüstanda əhalinin koronavirusa qarşı peyvəndlənməsi yetərincə getmir. Bu günədək cəmi 13 min 507 nəfər peyvəndin ikinci dozasını qəbul edib.

AZƏRTAC xəbər verir ki, bu barədə Gürcüstanın Xəstəliklərə Nəzarət Milli Mərkəzi məlumat yayıb.

Bildirilir ki, insanların koronavirusa qarşı peyvənd olunması üçün xüsusi “booking.moh.gov.ge” portalı yaradılıb. Peyvənd olunmaq istəyənlər bu portladan qeydiyyatdan keçə bilərlər.

Qeyd edək ki, Gürcüstanda peyvəndləmə martın 15-də başlayıb. Bu günədək 81 min 76 nəfər vaksin olunub. Onların da yalnız 13 min 507-si vaksinin ikinci dozasını qəbul edib.

Hökumət vaksinin hər iki dozasını qəbul edən insanlar üçün xüsusi güzəştlər hazırlayır.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.